Bitcoin roulette

القائمة الرئيسية

الصفحات

خطير_جدا كارتة بروسيا انفجار ننوي خطير



خطير_جدا كارتة بروسيا انفجار ننوي خطير 

روسيا حاليا فيها واحد الكارثة، يمكن تكون مسمعتيش بيها بسباب العيد ولكن تخيل معايا فقط باللي العالم كلو مقلوب حاليا بسبابها.

يوم 5 غشت اللي فات الرواسا اللي عايشين في شمال روسيا فاقوا على صوت إنفجار رهيب جاي من ناحية مخزن سلاح كبير في أكينسك، كيشوفوا كيلقاوه فعلا إنفجار كبير ، ولكن المشكل الاكبر أنه ماشي إنفجار عادي بل واخد شكل المشروم ديال الإنفجار النووي اللي وقع فهيروشيما ، خوتنا صوروه وغتلقاوه هنا : https://youtu.be/7mwjAsBhucc وهنا : https://youtu.be/tUoi1cdXUuY

ديك الوقيتة السلطات في روسيا خرجات وقالت أنه إنفجار في تجربة صاروخ وإنفجار عادي مكاينش فيه ضحايا .

فديك الوقيتة وقع من بعد في الشرق الأوسط غروب دامي أو غروب بنور أحمر وبنادم مافهم فيه والوا : http://www.alraeesnews.com/32722

نرجعوا لروسيا دابا ، بعد الانفجار بساعات ، صفارات الإنذار كلها في مقاطعة أكينسك والمدن والقرى اللي دايرين بيها صفرات،  من بعد الحكومة الروسية غتأمر بأن اكتر من 100 ألف من السكان في المناطق المحيطة ميخرجوش من المنازل ديالهم ، و وزعات عليهم البوتاسيوم واليود اللي كيتوزعوا غير فالكوارث النووية، حيتاش الناس كتعرض  لليود المشع 131 عن طريق الغدة الدرقية وفاش كياخدوا iodine فالجسم كيكتفي بيه ومكيمصش اليود المشع : https://www.washingtonexaminer.com/news/watch-explosions-at-russian-ammo-dump-leads-to-mass-evacuations

و بالنسبة لليود : https://www.bbc.com/news/world-europe-49295521

حنا دونك دابا قدام  كارثة نووية عالمية بكل ما تحمل الكلمة من معنى ، إلا أن الحكومة الروسية إستمرت في الإنكار، على الرغم من إنتشار الصور والفيديوهات على الإنفجار وخرجات تصاور لقرى تدمرات ، حتى الإعلام الروسي حاول يخبي الكارثة بكل الطرق ، الناس من بعد غيتفاجؤوا أن روسيا سيفطات مركبة Uran-6 واللي معدة للتعامل مع حالات التسرب الاشعاعي.

الموضوع يسالي ؟ لا أسيدي، الخطر الحقيقي حاليا في التسرب الاشعاعي، وطلعوا علماء من كل أنحاء العالم كيقولوا أنه حصل تزايد في معدل الruthinium 106 في الغلاف الجوي وكاين شي هضرة على Radioactive leak اللي غيأثر على العالم كلوا : https://www.express.co.uk/news/world/1164267/russia-news-nuclear-explosion-radiation-death-toll-rotasom-putin-chernobyl-soviet-union

الكلام وقع يوم 9 غشت فالليل، ظهر إرتفاع غريب في مستوى الإشعاع في مدينة اسمها أرخانجيلسك في روسيا و خدموا صفارات إنذار و عطاو اليود و البوتاسيوم للناس وقالوا ليهم ميخرجوش من ديورهم ، هاد المدينة على بعد 2500 كيلو متر من أكينسك، يعني الموضوع فعلا بدا كينتشر : https://gizmodo.com/russian-nuclear-agency-rosatom-confirms-radiation-leak-1837129791

وأخيرا، إعترف فلاديمير بوتين والحكومة بالانفجار النووي ، واعترفوا بسقوط 5 ديال القتلى في الانفجار ووصفوهم بالابطال، كان مجرد اعتراف جزئي  لأن الأخبار انتشرت فعلا في العالم وكاين مخاوف من كوارث مشعة في أغلب دول العالم، وبهاد المعدل القضية تقدر توصل للشرق الأوسط وشمال إفريقيا وغرب أوروبا . https://time.com/5649826/russia-nuclear-accident/

بعد هادشي غتقرر روسيا إغلاق طريق التجارة والنقل البحري في البحر الأبيض لمدة شهر، الموضوع ماشي بسيط: https://www.euronews.com/2019/08/08/russia-closes-part-of-white-sea-to-shipping-for-a-month-after-explosion-ifax

روسيا للأسف ماشي أول مرة تخبي أخبار مهمة بحال هادي ، في حادثة تشيرنوبل أيضا كانت منعات النشر لمدة طويلة حتى اعترفات بالكارثة، غير باش ميبانوش قدام العالم كدولة فاشلة ، لدرجة أنه بانت اخبار أنهم لاحوا جثت علماء اللي ماتوا فالبحر غير باش ميعطيوش لائحة كبيرة ديال الموتى : https://www.express.co.uk/news/world/1164267/russia-news-nuclear-explosion-radiation-death-toll-rotasom-putin-chernobyl-soviet-union

الموضوع مؤثر فعلا وواضح أننا غندخلوا على كارثة نووية وسرطانات وتغيير مناخ... ، وهادشي ماشي فيوم وليلة ولكن كاين مخاوف عالمية كبيرة حاليا ، وطبعا الشرق الاوسط وشمال إفريقيا  غيتأثروا حتى هوما ، تفاصيل اكثر غتلقاها هنا : https://www.themoscowtimes.com/2019/08/12/russia-has-failed-another-nuclear-test-a66821

نصيحة لله في سبيل الله : عيشوا حياتكم ، فرحوا ، حاولوا تحقوا أحلامكم ، حيت حاليا حنا في الأمان التام والخطر بعيد شوية باش متقولوش راني كنبالغ وكنخلع بنادم والدنيا زوينة .

ولكن من بعد بضعة سنوات ، تاحد معارف فين يقدر يوصل هادشي وبأي نتائج ، كإجراء إحترازي ، اللي عندو ملجأ تحت الارض يبدا يخزّن فيه البذور والحبوب واليود  على قبال الsurvive، واللي معندوش يقلب على راسوا ،  خاص أيضا شي نفق مسدود من الجانبين تحت الأرض وخطة حكم وسيطرة بعد البقاء بلاما نوصيكم
اللي كيعيش هو اللي كيخطط للخطر قبل ميوقع.

شكرا.

ملحوظة : هاد الصورة  حقيقية من الانفجار، لاحظ فقط حجم الكارثة.

تعليقات

محتويات الموضوع