توضيحات مهمة بخصوص الدعم و السجل الوطني للسكان و السجل الاجتماعي الموحد و cnss و تصنيف العائلات
اولا للتوضيح حاليا يتم التسجيل في السجل الوطني للسكان بجهات الرباط سلا القنيطرة طنجة تطوان الحسيمة و فاس مكناس و قريبا سيعمم التسجيل على كل الجهات ركز معايا في كل كلمة التسجيل حاليا في السجل الوطني للسكان و هو مفتوح للجميع و من الاحسن ان كلشي يتسجل فيه لانه غادي يفيدك مستقبلا علاش لسبب بسيط عند التسجيل كل واحد غادي يكون عندو ما يسمى المعرف الرقمي المدني والاجتماعي هو رقم خاص كل واحد غادي يكون عندو بحال ماتريكول و به غادي تعامل مع كل الادارات و حتى الابناك و للتسجيل في مختلف البرامج لانه فيه كل المعطيات الخاصة بكل واحد طبعا استخدام هدا الرقم بالتدريج سيطبق في التعاملات الادارية و غيرو و بالتالي مهم ان الجميع يتسجل لكن للتوضيح لا داعي للسرعة مزال الوقت
كخلاصة السجل الوطني للسكان نظام معلوماتي وطني لتسجيل المواطنين المغاربة والأجانب المقيمين بالمغرب، يمنح لكل شخص مسجل رقما فريدا يسمى المعرف الرقمي المدني والاجتماعي
لكن هدا ماشي احصاء باش ميوقعش خلط الإحصاء الوطني للسكان مبرمج في 2024.
الان فهمنا شنو هو السجل الوطني للسكان
نرجعو لسؤال الدعم هدا السجل معندوش علاقة مباشرة بالدعم الاجتماعي مزال لي بغا يستفد من الدعم لي غادي يكون مستقبلا التسجيل في السجل الاجتماعي الموحد لي مزال مبداش فيه التسجيل غادي تكون منصة رقمية للتسجيل بحال الطريقة الحالية و تدفع الملف بالمقاطعة و غادي تكون لوائح بالمسجلين طبعا باش تسجل في السجل الاجتماعي الموحد خاصك تسجل في السجل الوطني للسكان لي الان بدا فيه التسجيل و بالتالي كخلاصة السجل الاجتماعي الموحد هوا لي غادي يحدد الاسر لي تستفد من الدعم وفق عملية تنقيط كل اسرة.
الان فهمنا انه حاليا لي مفتوح هو التسجيل في السجل الوطني للسكان لي ممكن للجميع التسجيل فيه سواء عندو او معندوش لانه غادي تاخد داك الرقم لي غادي يفيدك مستقبلا
نتنيه مهم بخصوص السجل الوطني للسكان
ضروري الانتباه عند التسجيل رقم الهاتف لي تسجل بيه او الايمايل مهم و خطير خصهم يكونو ديالك و ممكن ليك تتبع عملية التسجيل من خلال الموقع و ايضا ممكن ليك تعديل المعلومات و ايضا ممكن ليك تفعيل او الغاء خاصية التأكد من المعطيات لي هيا خاصية مهمة بزاف و بالتالي حداري عند التسجيل الموقع مفيهش اللعب خاصك ترد البال لكل التفاصيل و تكمل العملية حتى الاخير كاين بعض الامور لي مهمة مغاديش ناقشوها الان لكن كخلاصة رد البال رقم الهاتف و الايمايل مهمين و داك الرقم لي غادي تاخد مهم سجلو
توضيح هام بخصوص السجل الاجتماعي الموحد
مزال التسجيل في السجل الاجتماعي الموحد غير مفتوح لكن قريبا غادي تكون منصة رقمية للتسجيل و هدا السجل هو لي غادي يحدد الاسر لي ممكن تستفد من الدعم الاجتماعي و من تعميم التغطية الصحية و التعويضات العائلية محانا بشرط متكونش مسجل في فئة لي مفروض عليه اداء واجب الاشتراك لكن للتوضيح ممكن لاي اسرة كتشوف راسها انها تستحق دعم ممكن ليها التسجيل و غادي يكون تصنيف لكل اسرة وفق معاير مختلفة عدد أفراد الأسرة الوضعية الاجتماعية السكن العمل المستوى الدراسي و الجهة و المدينة و غيرو من المعايير لي كثيرة كاين لائحة و في الاخير كل اسرة غادي يكون عندها تنقيط و ممكن ليك الاعتراض على التصنيف ادا لقيتي راسك دخلوك ضمن الفئات لي ماشي هشة عندك اجل 60 يوم لتقديم طلب و تجيب الوثائق لي تقوي الملف ديالك كخلاصة ممكن لاي اسرة انها تقدم طلب التسجيل في السجل الاجتماعي الموحد سوا كان فيها شي حد خدام او لا لان مجموع النقاط لي غادي يتعطا لكل اسرة هوا لي غادي يحدد الفئات الهشة لان المعايير فيها امور كثيرة مثل عدد أفراد الأسرة التكاليف المادية المصاريف الاملاك المداخيل المستوى الدراسي الجهة و الحي لي ساكن فيه نوع السكن و امور اخرى كثيرة.
🔷️ مادا يقصد بالاسرة 🔷️
هنا للتوضيح الحكومة تقول ان الدعم سيوجه للاسر ماشي للافراد لكن الاسرة ممكن يكون فيها شخص عازب او زوجين بدون اطفال او اسرة مركبة او سيدة مع اطفال او عازبة و ساكنين بعيد عن اسرهم و خدامين في مدن اخرى بعيدة ممكن ليهم التسجيل بوحدهم.
بالنسبة للناس لي مصرح بها في cnss
هنا ضروري التوضيح حتى ادا كانت عندك cnss ممكن ليك التسجيل في السجل الاجتماعي الموحد و ممكن تستفد من الدعم على حسب التصنيف او النقاط لي غادي تكون عندك مثلا واحد عندو cnss و عندو عائلة كبيرة و مسؤولية و مصاريف كثيرة ممكن اعتباره في وضعية هشاشة لكن كيف قلنا سابقا غادي يكون تنقيط لكل الاسر و هوا لي غادي يحدد درجة الاستفادة من الدعم غادي تكون الاولوية للفئات لي معندها والو ثم لي في وضعية ضعيفة ثم لي في وضعية هشاشة و غيرو.
شحال الدعم لي غادي يكون وقتاش توزيع الدعم
حاليا لا يوجد اي دعم لا في 2022 و لا حتى في 2023 و بالتالي الكلام لي كيروج غير صحيح مشروع قانون المالية لعام 2023 مفيهش هدشي الدعم غالبا غادي يكون في 2024 ان شاء الله ادا مشات عملية التسجيل بدون مشاكل و وفق البرنامج اما بخصوص 2023 غالبا لا يوجد فيها دعم لسبب بسيط مشروع قانون المالية مفيهش ميزانية مخصصة لهدشي لكن يبقى احتمال ضعيف علاش لان الدعم المخصص لدعم البوطا و السكر و غيرو اقل من لي تصرف في هده السنة الحكومة تقول ان هده الميزانية كافية لانها تعتقد ان التكلفة غادي تنقص على هده السنة لكن الاحتمال لي اقرب هوا ان الحكومة ستلجأ لمسطرة اقرار اعتمادات اضافية لدعم المواد المدعمة حتى تكمل العام و الاحتمال الاخير لي كيدور تبدا عملية توزيع الدعم مباشرة في اخر سنة 2023 لكن هدا احتمال ضعيف و غالبا لا حتى ل 2024
اما بالنسبة للدعم واش 1000 درهم او اكثر او اقل هدشي غير صحيح حاليا رسميا لا يوجد شيء فقط السماسرة يروجو اشاعات من اجل استغلال الناس و اصلا السجل الاجتماعي الموحد مزال مبداش فيه التسجيل و هوا لي غادي يحدد شكون لي يستفد حاليا كاين فقط السجل الوطني للسكان لي معندو علاقة مباشرة بالدعم
ملاحظة مهمة في الصور المرسوم المنظم للتسجيل في السجل الاجتماعي الموحد و جزء من معايير التصنيف و امكانية تعديل التصنيف اي موضوع كنهدرو فيه بناء على مراجع و ليس كلام
تعليقات
إرسال تعليق