هي نوض ضبر على خدمة وبركة من السعاية
عاش الشعب ماشي دير جمعية أو اغنية أو مسرحية وتسترزق بها عوض تعاون الناس وانت باغي التغيير وكدير الدعم في جيبك
عاش الشعب هي نهار الانتخابات متبيعش راسك ب 100 درهم ومن بعد تبقى تشكى
عاش الشعب ماشي هو لي بغى يركب على شي موجة يقولك عاش شعب والشعب باغي لي يخدموا في مؤسسات ماشي في التخربيق واليوتيوب
عاش الشعب ماشي هي تطلع على ظهر الشعب في الانتخابات وتقلب وجهك
عاش الشعب هي نوض قابل راسك وولادك الى عندك شي ولاد وبركة من سب التوابت لان عارفينك باغي البوز والشهرة والربح من اليوتيوب والبوز في المواقع ...
عاش الشعب هي الى كان ماتش كرة القدم متهرسش ومتخربش ومتعداش ومتقلل حياء على لي كبر منك ...
عرفتي شنو هي عاش الشعب هي ملي تكون داير الصف فالمقاطعة تشد نوبتك ومتعطيش الرشوة
وهي دير خدمتك وتعاون الناس عوض النقد الهدام
عاش الشعب هي الى درت خدمتي ماشي انا رشايوي وباغي التغيير
عاش الشعب الى كان كل موظف متلا الطبيب داير خدمتو عوض خارج للقهوة ومخلي الناس تموت
عاش الشعب هي بركة ما دير لايفات وتجمع من المساعدات لي عطاوك الناس وديرها في حسابك البنكي
عااش الشعب هي ترد للسيد "مول الحانوت" فلوسو ماشي تسلف وتبدل الحانوت ...
عاش الشعب هي تفيق مع 6 تصلي الفجر ونوض توكل على الله ....
عاش الشعب ماشي هي كتقلب على البوز في المواقع
عاش الشعب هي مديرش السبة بالفقر وتبقى تسعى وانت كتافك اكبر من الجمل
عاش الشعب هي نهار ايزيدو درهم فشي منتوج متشريهش
عاش الشعب هي تنوووض تقرا و مضيعش وقتك فالتعناب وتضحك على بنات الناس
عاش الشعب ...هي كل واحد ايغير راسو ماشي انا باغي الاصلاح وانا فاااااسد وكنلوم غيري ...وزيد وزيييد
ماشي انا فاسد وكنسى راسي وعيوبي وكنلوم الاخر وكنرمي عليه كلشي
"""ان الله لا يغير ما بقوم حتى يغيروا ما بأنفسهم""".
![بنترست](http://pinterest.com/pin/create/button/?url=https://www.httpsroyalistfidel.com/2019/11/100.html&media=https://blogger.googleusercontent.com/img/b/R29vZ2xl/AVvXsEj7BIT5CyxfFvvt3VvepXo8FXeOF3jnUARl2u3vwNhCYfExluIMgmyX7HsOklZKJ8W3ICuSZIn9mMA4j56npWfXag0RNhyqECR9nWrFy1EfCvPoM6ndl0jRNEV4XcVsgKcUxdjdXpNPqhE/w1600/1572969127133.jpg&description=عرفتوا اشنوا هي "عاش الشعب" هي نوض ضبر على خدمة وبركة من السعاية عاش الشعب ماشي دير جمعية أو اغنية أو مسرحية وتسترزق بها…){kind=link}