الناس اللي ما عندهمش cnss ولا راميد ها اش خاصكم ديرو نوضو
تسجلو وما تجلسوش عاود تال الدقيقة 90 وتقولو ما كاين والو
اخر اجل للديكلاراسيون نهار 16 ابريل
تعديييييل
انا قريت البيان وغنحاول نقلب عليه بالعربية أهم النقاط هي
✔اللي غيقوم بالتصريح هو رب الأسرة اكون ما مسجل لا في cnss ولا راميد
✔التصريح غيكون ابتداءا من الجمعة 10 أبريل على الساعة الخامسة صباحا
✔واخر أجل للتصريح هو الخميس 16 أبريل منتصف الليل
✔البوابة هي http://tadamoncovid.ma
✔رقم الهاتف د رب الأسرة باش غتسجلو لأنو التواصل غيكون عبر هاد الرقم
✔التعويضات غتكون
800 درهم للأسرة اللي فيها 2 أشخاص
1000 درهم لأسرة أفرادها بين 3 و 4 أشخاص
1200 درهم لأسرة عدد أفرادها فوق 4 أشخاص
✔الرقم 1212 غيكون متاح لأي استفسار أو معلومة
أتمنى نكون وفقت في الشرح وبالتوفيق للجميع وربي يرزقكم وييسر اموركم
ها هو البيان باللغة العربية وتفرجو اليوم في برنامج أسئلة كورونا أكيد غيهضرو على هاد الموضوع
بالنسبة للي تيشكك وتيقلب على المصدر حرك صبيعاتك وغتلقاه في الصفحات الرسمية
انا ما عندي حتى استفادة من هادشي كامل لكن هادي معلومة صادفتها وقلت نشاركها مع الذين يهمهم الأمر لانه الكثير منكم ما استافدش لسبب أو لاخر
وشكرا لكم
تعليقات
إرسال تعليق