سيدنا محمد السادس الله ينصرو يقدم مساعدات عاجلة للشقيقة لبنان
فمبادرة جد طيبة كاتبين مكارم الأخلاق ديال شعب المغرب لي تعرف بيها من زمان، المغرب إبتداءا من اليوم غادي يباشر الربط فخط جوي إستعجالي فإتجاه بيروت المنكوبة لإغاثة إخواننا اللبنانيين ، 8 طائرات مغربية تنطلق من سماء المغرب فإتجاه بيروت منها أربع طائرات ديال القوات المسلحة الملكية و أربع طائرات كارݣو ديال الطيران المدني ، كلها محملة بمساعدات إنسانية تتكون من مستشفى ميداني هو و الطاقم الطبي العسكري ديالو ، 295 طن ديال المواد الغدائية الأساسية و 10 طن من الأدوية ، 10 طن من الأدوات و المعدات الطبية ، و 11 طن كدلك ديال المواد و المعدات الطبية الخاصة بمرض covid19 ... المؤمن للمؤمن كالبنيان المرصوص يشد بعضه بعضا .... رحم الله ضحايا بيورت و أسكنهم فسيح جناته.
